بلادي!!!

ﺍﺳﻤﺎﻋﻴﻞ ﺣﺴﻦ
ﺑﻼﺩﻱ
ﺑﻼﺩﻱ ﺃﻧﺎ
ﺑﻼﺩ ﻧﺎﺳﺎ ﻓﻲ ﺃﻭﻝ ﺷﺊ
ﻣﻮﺍﺭﻳﺜﻬﻢ ﻛﺘﺎﺏ ﺍﻟﻠﻪ،
ﻭﺧﻴﻞ ﻣﺸﺪﻭﺩ،
ﻭﺳﻴﻒ ﻣﺴﻨﻮﻥ ﺣﺪﺍﻩ ﺩﺭﻉ،
ﻭﺗﻘﺎﻗﻴﺒﻬﻢ ﺗﺴﺮﺝ ﺍﻟﻠﻴﻞ ﻣﻊ
ﺍﻟﺤﻴﺮﺍﻥ
ﻭﺷﻴﺨﺎ ﻓﻲ ﺍﻟﺨﻼﻭﻱ ﻭﺭﻉ
ﻭﻛﻢ ﻧﺨﻼﺕ ﺗﻬﺒﻬﺐ ﻓﻮﻕ
ﺟﺮﻭﻑ ﺍﻟﺴﺎﺏ
ﻭﺑﻘﺮﺓ ﺣﻠﻮﺑﺔ ﺗﺘﻀﺮﻉ ﻭﻟﻴﻬﺎ
ﺿﺮﻉ،،،
ﻭﺳﺎﻗﻴﺔ ﺗﺼﺤّﻲ ﺍﻟﻠﻴﻞ ﻣﻊ
ﺍﻟﻔﺠﺮﺍﻭﻯ..
ﻳﺒﻜﻰ ﺍﻟﻠﻴﻞ ﻭﻳﺪﻟﻖ ﻓﻲ ﺟﺪﺍﻭﻟﻮ
ﺩﻣﻊ
ﻳﺨﺪﺭ ﻓﻲ ﺑﻼﺩﻱ ﺳﻼﻡ..
ﺧﺪﺭﺓ ﺷﺎﺭﺑﻲ ﻣﻮﻳﺔ ﺍﻟﻨﻴﻞ..
ﺗﺰﺭﺩ ﻓﻲ ﺍﻟﺒﻮﺍﺩﻱ ﺯﺭﻉ
ﺑﻼﺩﻱ ﺃﻧﺎ ﺑﺘﺸﻴﻞ ﺍﻟﻨﺎﺱ ﻭﻛﻞ
ﺍﻟﻨﺎﺱ
ﻭﺳﺎﻉ ﺑﺨﻴﺮﻫﺎ ﻟﻴﻨﺎ ﻳﺴﻊ،
ﻭﺗﺪﻓﻖ ﻣﻴﺎﻩ ﺍﻟﻨﻴﻞ ﻋﻠﻲ ﺍﻟﻮﺩﻳﺎﻥ
ﺑﻴﺎﺽ ﺍﻟﻔﻀﺔ ﻓﻲ ﻭﻫﺞ ﺍﻟﻬﺠﻴﺮ
ﺑﺘﺸﻊ،،،
ﺑﻼﺩﻱ ﺳﻬﻮﻝ،،ﺑﻼﺩﻱ ﺣﻘﻮﻝ،،
ﺑﻼﺩﻱ ﺍﻟﺠﻨﺔ ﻟﻠﺸـﺎﻓﻮﻫﺎ،ﺃﻭ
ﻟﻠﺒﺮﺓ ﺑﻴﻬﺎ ﺳﻤﻊ،،
ﺑﻼﺩﻱ ﺃﻧﺎ ﺑﻼﺩ ﻧﺎﺳﺎً ﺗﻜﺮﻡ
ﺍﻟﻀﻴﻒ
ﻭﺣﺘﻰ ﺍﻟﻄﻴﺮ ﻳﺠﻴﻬﺎ ﺟﻴﻌﺎﻥ
ﻭﻣﻦ ﺃﻃﺮﺍﻑ ﺗﻘﻴﻬﺎ ﺷﺒﻊ،،
ﺑﻼﺩﻱ ﺍﻟﺼﻔﻘﺔ ﻭﺍﻟﻄﻨﺒﻮﺭ،،
ﻭﺑﻨﻮﺗﺎً ﺗﺤﺎﻛﻲ ﺍﻟﺨﻴﻞ
،ﻳﺸﺎﺑﻦ ﺯﻳﻲ ﺟﺪﻱ ﺍﻟﺮﻳﻞ،
ﻭﺷﺒﺎﻟﻦ ﻣﻜﻨﻦ ﻓﻲ ﻃﺮﻳﻔﻮ
ﻭﺩﻉ،،
ﺑﻼﺩﻱ ﺃﻣﺎﻥ،،ﺑﻼﺩﻱ ﺣﻨﺎﻥ،،
ﻭﻧﺎﺳﻬﺎ ﺣﻨﺎﻥ،ﻳﻜﻔﻜﻔﻮﺍ ﺩﻣﻌﺔ
ﺍﻟﻤﻔﺠﻮﻉ،
ﻳﺒﺪﻭﺍ ﺍﻟﻐﻴﺮ ﻋﻠﻲ ﺫﺍﺗﻬﻢ،
ﻳﻘﺴﻤﻮﺍ ﺍﻟﻠﻘﻤﺔ ﺑﻴﻨﺎﺗﻬﻢ،
ﻭﻳﺪﻭﺍ ﺍﻟﺰﺍﺩ،ﺣﺘﻰ ﺇﻥ ﻛﺎﻥ
ﻣﺼﻴﺮﻫﻢ ﺟﻮﻉ،
ﻳﺤﺒﻮﺍ ﺍﻟﺪﺍﺭ،
ﻳﻤﻮﺗﻮﺍ ﻋﺸﺎﻥ ﺣﻘﻮﻕ ﺍﻟﺠﺎﺭ،
ﻭﻳﺨﻮﺿﻮﺍ ﺍﻟﻨﺎﺭ ﻋﺸﺎﻥ ﻓﺪ
ﺩﻣﻌﺔ،،
ﻭﻛﻴﻒ ﺍﻟﺤﺎﻝ ﻛﺎﻥ ﺷﺎﻓﻮﻫﺎ
ﺳﺎﻳﻠﺔ ﺩﻣﻮﻉ،،،،؟؟
ﺩﻳﻞ ﺃﻫﻠﻰ..
ﺍﻟﺒﻘﻴﻒ ﻓﻲ ﺍﻟﺪﺍﺭﻩ
ﻭﺳﻂ ﺍﻟﺪﺍﺭﻩ
ﻭﺃﺗﻨﺒﺮ ﻭﺃﻗﻮﻝ ﻟﻠﺪﻧﻴﺎ ﺩﻳﻞ ﺃﻫﻠﻲ
ﻋﺮﺏ ﻣﻤﺰﻭﺟﺔ ﺑﻲ ﺩﻡ ﺍﻟﺰﻧﻮﺝ
ﺍﻟﺤﺎﺭﺓ..
ﺩﻳﻞ ﺃﻫﻠﻲ
ﺩﻳﻞ ﻗﺒﻴﻠﺘﻲ،ﻟﻤﺎ ﺃﺩﻭﺭ ﺃﻓﺼﻞ
ﻟﻠﺒﺪﻭﺭ ﻓﺼﻠﻲ..
ﺃﺳﻴﺎﺩ ﻗﻠﺒﻲ ﻭﺍﻹﺣﺴﺎﺱ
ﻭﺳﺎﻓﺮ ﻓﻲ ﺑﺤﺎﺭ ﺷﻮﻗﻢ ﺯﻣﺎﻥ
ﻋﻘﻠﻲ
ﺃﻗﻮﻝ ﺑﻌﻀﻰ..
ﺃﻻﻗﻴﻬﻢ ﺗﺴﺮﺑﻮﺍ ﻓﻰ ﻣﺴﺎﺭﺏ
ﺍﻟﺮﻭﺡ ﺑﻘﻮ ﻛﻠﻲ
ﻣﺤﻞ ﻗﺒﻠﺖ ﺃﻟﻘﺎﻫﻢ ﻣﻌﺎﻳﺎ،
ﻣﻌﺎﻳﺎ ﺯﻱ ﺿﻠﻰ
ﻟﻮ ﻣﺎ ﺟﻴﺖ ﻣﻦ ﺯﻱ ﺩﻳﻞ..
ﻛﺎﻥ،ﺃﺳﻔﺎﻱ..
ﻭﺁﻣﺄﺳﺎﺗﻲ..
ﻭﺁﺫﻟﻲ..
ﺗﺼﻮﺭ ﻛﻴﻒ ﻳﻜﻮﻥ ﺍﻟﺤﺎﻝ
ﻟﻮ ﻣﺎ ﻛﻨﺖ ﺳﻮﺩﺍﻧﻲ ﻭﺃﻫﻞ
ﺍﻟﺤﺎﺭﺓ ﻣﺎ ﺃﻫﻠﻲ
ﺗﺼﻮﺭ ﻛﻴﻒ؟